மத்திய தபால் பரிவர்த்தனை நிலையத்தில் ஒரு கோடிக்கும் மேற்பட்ட தபால் பொருள்கள் தேங்கியிருப்பதாகவும் தினமும் 2 மில்லியன் கடிதங்கள் சேகரிக்கப்படுவதாகவும் ஒன்றிணைந்த தபால் தொழிற்சங்க முன்னணியின் இணை ஒருங்கிணைப்பாளர் சிந்தக பண்டார தெரிவித்துள்ளார்.
மத்திய தபால் பரிவர்த்தனை நிலையத்தில் கைரேகை இயந்திரங்கள் செயல்படுத்தப்பட்டமையால் தபால் ஊழியர்களின் மேலதிக நேரக் கொடுப்பனவு நிறுத்தப்பட்டுள்ளமையே இதற்கு காரணம் என தெரிவிக்கப்படுகிறது.
தபால் ஊழியர்களின் மேலதிக நேரக் கொடுப்பனவை வழங்க ஒரு விசேட குழு நியமிக்கப்பட்டுள்ளது.
ஆனால் அந்தக் குழு இன்னும் தகவல்களைச் சேகரித்து வருகிறது.
அடுத்த மாதம் 4 ஆம் திகதி அல்லது அதற்கு முன்னர் அறிக்கையை சமர்ப்பிக்குமாறு தபால் மாஅதிபர் அறிவுறுத்தியுள்ளதாகவும் சிந்தக பண்டார கூறினார்.
தினமும் 2 மில்லியன் கடிதங்கள் சேகரிக்கப்படுவதால், அடுத்த மாதம் 4 ஆம் திகதி அறிக்கை கிடைத்தால், அந்த திகதிக்குள் சேகரிக்கப்பட்ட கடிதங்களின் எண்ணிக்கை சுமார் 16 மில்லியனாக இருக்கும் என்றும் தெரிவிக்கப்பட்டுள்ளது.
