இலங்கை முழுவதும் பேரிடரால் பாதிக்கப்பட்ட பகுதிகளை சுத்தம் செய்யும் தேசிய திட்டம், “மனு அணை சவியேன் ஹரித தேயக்” என்ற பெயரில், எதிர்வரும் 4ஆம் திகதி ஆரம்பமாகவுள்ளதாக இலங்கை செஞ்சிலுவைச் சங்கம் தெரிவித்துள்ளது.
அரசின் பல நிறுவனங்களுடன் இணைந்து நாடு முழுவதும் இந்தத் திட்டம் முன்னெடுக்கப்படும் என இலங்கை செஞ்சிலுவைச் சங்கத்தின் தொடர்புத் தலைவர் நவீந்திர சேனாரத்ன, ஊடக சந்திப்பில் கூறினார்.
பேரிடருக்குப் பிந்தைய மனநலப் பணியின் ஒரு பகுதியாக சுற்றுச்சூழலை சுத்தமாக வைத்திருப்பதற்கான இந்த தேசிய திட்டம், இலங்கையின் 25 மாவட்டங்களையும் உள்ளடக்கியதாக செயல்படுத்தப்பட உள்ளதாகவும் அவர் தெரிவித்தார்.
இதற்காக தேர்ந்தெடுக்கப்பட்ட 25 முக்கிய இடங்களில் சுத்தம் செய்யும் நடவடிக்கைகள் மேற்கொள்ளப்படும்.
மேலும், பேரிடர் சூழ்நிலையில் இலங்கை செஞ்சிலுவைச் சங்கம் 25 மாவட்டங்களில் நிவாரண உதவிகளை வழங்கி வருவதாகவும்,மக்களை வெளியேற்றுதல், பாதுகாப்பு வழங்குதல், தற்காலிக முகாம்களை பராமரிப்பதில் ஆதரவு. சுகாதார வசதிகளை வழங்குதல் ஆகிய முதலுதவி நடவடிக்கைகள் தொடர்ச்சியாக மேற்கொள்ளப்படுவதாகவும் கூறினார்.
பேரிடரால் பாதிக்கப்பட்ட மக்களுக்கு நிதி உதவி வழங்கும் திட்டமும் ஆரம்பிக்கப்பட்டுள்ளதாகவும், அந்த நிதி மூலம் மக்களின் வாழ்வாதாரத்தை மேம்படுத்தும் நடவடிக்கைகள் முன்னெடுக்கப்படுவதாகவும் தெரிவிக்கப்பட்டது.
மேலும், டெங்கு கட்டுப்பாட்டு திட்டங்கள், சுற்றுச்சூழல் அவமதிப்பை நீக்கும் நடவடிக்கைகள், மற்றும் அழிக்கப்பட்ட நீர் ஆதாரங்களை மீட்டெடுக்கும் பணிகள் சமூகப் பங்கேற்புடன் நடைபெற்று வருவதாகவும் அவர் சுட்டிக்காட்டினார்.
இலங்கை செஞ்சிலுவைச் சங்கத்தின் பொதுச் செயலாளர் டாக்டர் மகேஸ் குணசேகர ஊடக மாநாட்டில் உரையாற்றுகையில், இந்த தேசிய திட்டத்திற்கு அனைத்து தரப்பினரின் ஆதரவும் அவசியம் எனக் கேட்டுக்கொண்டார்.
“பொதுமக்களுக்கு அதிகாரம் அளிப்பதே எங்கள் பிரதான நோக்கம். அதற்காக அரசு நிறுவனங்கள் மற்றும் உள்ளூராட்சி மன்றங்களை ஒருங்கிணைத்து இந்தத் திட்டத்தை செயல்படுத்துகிறோம்” என அவர் தெரிவித்தார்.
