மத்திய கிழக்கு பிராந்தியத்தில் அமெரிக்கா மற்றும் இஸ்ரேல் ஆகிய நாடுகள் இணைந்து மேற்கொண்ட தாக்குதல்கள் தொடர்பில், இலங்கையின் முக்கிய அரசியல் தலைவர்கள் மற்றும் அரசியல் கட்சிகள் தங்களின் கடும் கண்டனங்களை வெளியிட்டுள்ளன.
ரணில் விக்ரமசிங்க (முன்னாள் ஜனாதிபதி): அமெரிக்க ஜனாதிபதி டொனால்ட் ட்ரம்பின் ஆக்கிரமிப்புப் போக்குக்கு எதிராக இலங்கை வலுவான நிலைப்பாட்டை எடுக்க வேண்டும் என வலியுறுத்தியுள்ளார்.
குமார் குணரத்னம் (மாற்று கொள்கைகளுக்கான அமைப்பு): அமெரிக்காவின் இத்தகைய நடவடிக்கைகளை ‘மிலேச்சத்தனமானவை’ என விமர்சித்துள்ள அவர், வெனிசுவேலாவின் எண்ணெய் வளங்களை இலக்காகக் கொண்டே அமெரிக்கா இவ்வாறான செயல்களில் ஈடுபடுவதாகக் குற்றம் சாட்டியுள்ளார். மேலும், இந்த நடவடிக்கைகளுக்கு எதிராக அனைவரையும் ஒன்றிணையுமாறும் அவர் அழைப்பு விடுத்துள்ளார்.
இலங்கை கம்யூனிஸ்ட் கட்சி: அமெரிக்காவும் இஸ்ரேலும் சர்வதேச சட்டங்களை அப்பட்டமாக மீறியுள்ளதாகக் கட்சி வெளியிட்டுள்ள அறிக்கையில் சுட்டிக்காட்டியுள்ளது.
முன்னிலை சோசலிசக் கட்சி: அமெரிக்க ஜனாதிபதியின் இத்தகைய கீழ்த்தரமான செயற்பாடுகளைக் கட்டுப்படுத்த ஐக்கிய நாடுகள் சபைக்கு அதிகாரம் அல்லது இயலுமை இல்லை என விமர்சித்துள்ளது.
சஜித் பிரேமதாச (எதிர்கட்சித் தலைவர்): மத்திய கிழக்கு நாடுகளில் நிலவும் போர் பதற்றம் காரணமாக, அங்கு வசிக்கும் இலங்கையர்களின் பாதுகாப்பை உறுதிப்படுத்துமாறு அவர் அரசாங்கத்திடம் கோரிக்கை விடுத்துள்ளார். இது குறித்த விசேட அறிக்கையை அவர் ஊடகங்களுக்கு வெளியிட்டுள்ளார்.
