கடுவலை – வெலிவிட்ட பகுதியில் பாரிய அளவிலான துப்பாக்கிகள் மற்றும் தோட்டாக்களைப் பதுக்கி வைத்திருந்த 48 வயதுடைய நபர் ஒருவரை பொலிஸார் அதிரடியாகக் கைது செய்துள்ளனர்.
கொழும்பு தெற்கு குற்றத்தடுப்புப் பிரிவின் (Colombo South Crimes Division) புலனாய்வு அதிகாரிகளுக்குக் கிடைத்த இரகசியத் தகவலையடுத்து, வெலிவிட்ட பகுதியில் உள்ள வீடு ஒன்றில் இந்த விசேட சோதனை நடவடிக்கை முன்னெடுக்கப்பட்டது.
சோதனையின் போது கைப்பற்றப்பட்ட ஆயுதங்கள்:
ஒரு BSA ரக துப்பாக்கி மற்றும் ஒரு இரட்டைக்குழல் துப்பாக்கி (12-Bore).
7.62mm ரகத்தைச் சேர்ந்த 50 தோட்டாக்கள்.
12-Bore ரகத்தைச் சேர்ந்த 15 தோட்டாக்கள் (Shotgun cartridges).
ஒரு மெகசின் (Magazine) மற்றும் 0.22mm ரக தோட்டாக்கள்.
கைது செய்யப்பட்ட நபரிடம் இந்த ஆயுதங்கள் எதற்காகப் பதுக்கி வைக்கப்பட்டன? ஏதேனும் பாதாள உலகக் குழுக்களுடன் இவருக்குத் தொடர்பு உள்ளதா? என்ற கோணத்தில் பொலிஸார் தீவிர விசாரணைகளை முன்னெடுத்து வருகின்றனர்.
