சமூகத்தில் ஆராய்ச்சி மற்றும் கல்விப் பண்பாட்டை ஊக்குவிக்கும் நோக்கில், பன்முகத் துறை ஆராய்ச்சி மற்றும் பயிற்சி நிறுவனம் (Multi-disciplinary Institute for Research and Training – MIRT) ஏற்பாடு செய்திருந்த “ரமழான் சுகாதார சவால்கள்” போட்டியின் வெற்றியாளர்களுக்கு விருது வழங்கும் விழா இன்று கொழும்பில் சிறப்பாக நடைபெற்றது.
ரமழான் மாதத்தில் சமூக அடிப்படையிலான சுகாதார முன்னெடுப்புகளை மேற்கொண்டவர்களைக் கௌரவிக்கும் வகையில் இந்நிகழ்ச்சி அமைந்திருந்தது. இதில் மருத்துவ நிபுணர்கள், கல்வியாளர்கள் மற்றும் மாணவர்கள் எனப் பல தரப்பினரும் கலந்துகொண்டனர்.
சமூக மருத்துவத்தில் MBBS, MSc மற்றும் MD டாக்டர் இர்ஷாத் மஷூத் (Dr. Irshad Mashood) தனது ஆய்வுக் கட்டுரையைச் சமர்ப்பித்து, இத்திட்டத்தின் முக்கியத்துவத்தை விளக்கினார்.
இந்த ஆய்வு குறித்த ஆக்கபூர்வமான கருத்துக்களை ஆலோசகர் சமூக மருத்துவ நிபுணர் Dr. மிஸாயா காதர் (Dr.Mizaya Cader), MBBS, MD, MRCP (UK), MRCP (லண்டன்) ஆலோசகர் இதயநோய் நிபுணரான ஜாக்கி ஹனிஃபா (Dr. Zacky Haniffa) மற்றும் MBBS, MD(Psy), வாரியத்தால் சான்றளிக்கப்பட்ட ஆலோசகர் மனநல மருத்துவரான டாக்டர். எம். ஜி. எம். மஃபாஸ் (Dr. M. G. M. Mafaz) ஆகியோர் வழங்கினர்.
MBA, “IKING” நிறுவனத்தின் நிறுவனர், தொழில்முனைவோர், ஆடை வடிவமைப்பாளர், வணிக மற்றும் தலைமைத்துவப் பயிற்சியாளரான இஹ்சான் வாஹித் (Ihsan Wahid), “சமூக சந்தைப்படுத்தல் மற்றும் சமூக இயக்கம்” என்ற தலைப்பில் சிறப்புரையாற்றினார்.
சுமார் 400 போட்டியாளர்கள் பங்கேற்ற இப்போட்டியில் இறுதிப் போட்டியாளர்களாகத் தெரிவு செய்யப்பட்ட நால்வருக்குப் பணப்பரிசுகள் வழங்கப்பட்டன.
முதலாம் பரிசு: 1 இலட்சம் ரூபாய் மற்றும் சான்றிதழ்.
ஏனைய பரிசுகள்: 50,000 மற்றும் 30,000 ரூபாய் மற்றும் சான்றிதழ்கள்.
வெற்றியாளர்கள் காத்தான்குடி, வரக்காப்பொல, ராஜகிரிய மற்றும் கண்டி ஆகிய பிரதேசங்களிலிருந்து தெரிவு செய்யப்பட்டமை குறிப்பிடத்தக்கது.
