சர்வதேச சந்தையில் மசகு எண்ணெய் விலை உயர்வு: உலகப் பொருளாதாரத்தில் தாக்கத்தை ஏற்படுத்துமா?

சர்வதேச சந்தையில் இன்று மசகு எண்ணெய் மற்றும் இயற்கை எரிவாயு ஆகியவற்றின் விலைகள் கணிசமான உயர்வைப் பதிவு செய்துள்ளன.

WTI (West Texas Intermediate): ஒரு பீப்பாய் விலை 67.02 அமெரிக்க டொலராக அதிகரித்துள்ளது.

ப்ரேண்ட் ரக (Brent) கச்சா எண்ணெய்: சர்வதேச சந்தையில் அதிகம் பயன்படுத்தப்படும் இந்த வகை எண்ணெய், பீப்பாய் ஒன்றுக்கு 72.87 அமெரிக்க டொலராக உயர்ந்துள்ளது.

இயற்கை எரிவாயு (Natural Gas): இதன் விலை 2.859 அமெரிக்க டொலராக அதிகரித்துள்ளது.

மத்திய கிழக்கு பிராந்தியத்தில் நிலவி வரும் போர் பதற்றமான சூழலே இந்த திடீர் விலையேற்றத்திற்கு முதன்மைக் காரணமாகக் கருதப்படுகிறது. இந்த விலையேற்றமானது, உலக நாடுகளின் எரிபொருள் இறக்குமதிச் செலவுகளை அதிகரிப்பதோடு, உலகப் பொருளாதாரத்தில் பெரும் தாக்கத்தை ஏற்படுத்தக்கூடும் எனப் பொருளாதார ஆய்வாளர்கள் எச்சரிக்கின்றனர்.