சுற்றுலா வந்த பெண் சடலமாக மீட்பு

கண்டி – அருப்பொல தர்மசோக மாவத்தையில் உள்ள வீடொன்றில் இருந்து பெண்ணொருவரின் சடலம் மீட்கப்பட்டுள்ளது.

குறித்த பெண் சுற்றுலா விசாவில் இலங்கைக்கு விஜயம் செய்த அமெரிக்காவைச் சேர்ந்த கெய்ட்லின் ஜூலி கிளார்க் (55) என அடையாளம் காணப்பட்டுள்ளதுடன் குறித்த பெண், மூன்று மாதங்களுக்கு வாடகைக்கு எடுக்கப்பட்ட வீட்டில் தங்கியிருந்துள்ளார்.

உயரிழப்பதற்கு முந்தைய நாள் அவர் சீகிரியாவுக்கு சுற்றுலா சென்று திரும்பியிருந்ததாக கூறப்படுகிறது.இந்த நிலையில், ஆரம்பக்கட்ட விசாரணைகளின் படி, உயிரிழந்த பெண் கடுமையான போதைப் பழக்கத்திற்கு அடிமையானவராக இருக்கலாம் என பொலிஸார் சந்தேகம் வெளியிட்டுள்ளனர்.

அதன்படி, இன்று பிரேத பரிசோதனைக்காக கண்டி தேசிய மருத்துவமனையின் பிணவறைக்கு உடல் அனுப்பப்பட்டுள்ளது.சம்பவம் குறித்து கண்டி சுற்றுலா பொலிஸ் பொறுப்பதிகாரி சிஐ லலித் மகாக்தர மேலதிக விசாரணைகளை மேற்கொண்டு வருகிறார்.