தென்னிந்திய சினிமாவில் அறிமுகமாகி, இன்று இந்திய அளவில் தவிர்க்க முடியாத சக்தியாக விளங்குபவர் நடிகை சமந்தா. 15 ஆண்டுகால திரைப்பயணத்தில் மயோசிடிஸ் போன்ற உடல்நலப் பாதிப்புகள் மற்றும் பல்வேறு சவால்களை முறியடித்து மீண்டு வந்துள்ள சமந்தா, இன்று தனது 39-வது பிறந்தநாளைக் கொண்டாடுகிறார்.
கடந்த ஆண்டு இயக்குனர் ராஜ் நிடிமொருவை மணந்த சமந்தா, திருமணத்திற்குப் பிறகு தற்போது ‘மா இண்டி பங்காரம்’ (Maa Inti Bangaram) திரைப்படத்தில் நடித்துள்ளார். இதில் அவர் அதிரடி ஆக்ஷன் நாயகியாக களமிறங்கியிருப்பது இரசிகர்களிடையே பெரும் எதிர்பார்ப்பை ஏற்படுத்தியுள்ளது.
சமந்தாவின் அபரிமிதமான வளர்ச்சி அவரது சொத்து மதிப்பிலும் எதிரொலிக்கிறது. வெளியாகியுள்ள சில தகவல்களின்படி:
மொத்த சொத்து மதிப்பு: சுமார் ரூ. 110 கோடி என மதிப்பிடப்பட்டுள்ளது.
திரைப்பட சம்பளம்: ஒரு படத்திற்கு ரூ. 5 முதல் 8 கோடி வரை.
வெப் தொடர் சம்பளம்: ஓடிடி தளங்களில் நடிக்க ரூ. 10 கோடி வரை பெறுவதாகக் கூறப்படுகிறது.
சவால்களைத் தகர்த்தெறிந்து வெற்றிகரமான நாயகியாக வலம் வரும் சமந்தாவிற்கு சமூக வலைதளங்களில் வாழ்த்துகள் குவிந்து வருகின்றன.
